االله مـن هــم بحـالـي يلـوفـي
همن يسـم الحـال ويلوفهـا لـوف
لـوف الهبـوب لدانيـات القطوفـي
غصنه ليان ويصفقه كـل عاصـوف
واسباب مابي علتـن وسـط جوفـي
وعزي لمثلي علتـه داخـل الجـوف
دنيـاي عجفـا والنصيـب معجوفـي
اصفق بجنحان بلا ريـش مصفـوف
ماغيـر اهديهـا عسـاهـا تطـوفـي
ازمه تمـر الآدمـي عـام وتطـوف
لاكنهـا طالـت وكثـرة اصـدوفـي
وشتلت حملن فيـه مغـرم ومكلـوف
حملـن ثقيـل وماتشيلـه اكتـوفـي
اثقل علي من رواسـي جبـل عـوف
شلتـه لحالـي والقريـب يشـوفـي
وازراء يساعدني على الحمل ويـروف
وقتي يصارعنـي بحـدب السيوفـي
واصارعه لو مامعي خيـل وسيـوف
ياكثـر هقواتـي وياكـثـر خـوفـي
تدفعنـي الهقـوه ويمنعنـي الخـوف
واللي حداني عـن هـواي الضروفـي
خلتني ارجع عن مرادي وانا اشـوف
وقفت ليـن انـي عزفـت الوقوفـي
واليـوم مابيـدي مقعـد ولا وقـوف
علـى زمـانٍ فاتـنـي واحسـوفـي
اللي وقفـت بماقفـن فيـه حرفـوف
احسب عميلي صادقـن بـي ويوفـي
لكن عميلي منهجـه غيـر معـروف
ان جيت يبسط لـي جميـع الكفوفـي
وإن رحت عن درب السنع جاه صادوف
يمـدنـي برقيـقـات الـحـروفـي
اثري حروف الزين تتلى لها حـروف
اعمل واحسب اللي عملـت مخلوفـي
في واحدن فيه العمل غيـر مخلـوف
في جاحد المعروف ضـاع معروفـي
مير العوض في خالق الروح والشوف
النبراس