من طرف ( أحبك ) قلتها بقلبي .. وباحساسي وبلسانـي && كثيـر قلـوب ترجيهـا .. ولـكـن لا يهمّـونـك
أحبك ما أبي غيرك .. ولو غيـرك ترجّانـي && أنـا شاريـك مـا بيعـك إذا غيـري يسومـونـك
أموت اشتاق لك كلي .. أبيك تـزور أعيانـي && خفوقي يا غلا ينزف ولـه واشـواق مـن دونـك
أطير من الفرح لا من لفى صوتـك وحيّانـي && أحس اني أهم النـاس لا مـن قلتـي : شلونـك ؟
ألوم النفس لا قلتي : بكيت وما أحـد جانـي && أنـا وش عـاد يضحكنـي اذا العالـم يبكّونـك ؟
إلى منّك تضايقتي .. أنا المسـؤول والجانـي && أنـا المفـروض مـا أرضـى أخلّيهـم يزعلونـك
أحبك زود عن روحي عن اعمامي عن اخواني && وباقي الناس يـا عمـري .. تـرى والله يفدونـك
عليم الله لا قلتي : ( أحبك ) .. زالت احزاني && واذا قلتي : ( أحبك موت ) صحت وقلت : مجنونك
غدير الحب في قلبك .. حنان ولهفة اروانـي && أذوب بهمسـة ٍ عـذرا .. وأثبـت إنـي مفتونـك
أنا في دنيتي تايه .. ولا ادري ويـن عنوانـي && ويوم اني عرفتك صـار عنوانـي هـو : عيونـك
أغار من امك وعمك .. وهذا وذاك .. والثاني && أغار مـن اصغـر اخواتـك ولا ودّي يشوفونـك
منى عيني أضمّك لي وامسّح ذيك الاوجانـي && ألاعب خصلـة ٍ يمنـى ويسـرى تعتلـي متونـك
عيوني لو طلبتيها .. لقيـت الكـل .. هنّانـي && ترى روحي مع عيوني مناهـم بـس .. يرضونـك
وسلامتكم
منقووووووووول
